چیمپیئنز ٹرافی ، غیر یقینی صورتحال سے نقصان کا اندیشہ ہے، براڈ کاسٹرز کا آئی سی سی سے شکوہ

چیمپیئنز ٹرافی کے معاملے پر براڈ کاسٹرز نے آئی سی سی سے شکوہ کرتے ہوئے کہا ہے کہ غیر یقینی صورتحال سے نقصان کا اندیشہ ہے۔

ذرائع کے مطابق انٹرنیشنل کرکٹ کونسل چیمپیئنز ٹرافی کے لئے براڈکاسٹرز کی میٹنگ ہوئی، براڈکاسٹرز نے وینیوز فائنل نہ ہونے پر اپنے تحفظات آئی سی سی کے سامنے رکھے۔

براڈ کاسٹرز نے موقف اختیار کیا کہ شیڈول جاری نہ ہونے کی وجہ مارکیٹ میں مہم بھی نہیں چلا سکے،براڈ کاسٹرز نے شکوہ کرتے ہوئے کہا کہ آخری میٹنگ میں بھی آئی سی سی نے پاک بھارت معاملات جلد حل ہونے کا کہا۔

آئی سی سی حکام نے براڈ کاسٹرز کو جواب دیا کہ شیڈول فائنل نہ ہونے کی وجہ سے آپ کی پریشانی سمجھ سکتے ہیں، ہم جلد از جلد اس مسئلے کا حل چاہتے ہیں، آئی سی سی حکام نے مزید کہا کہ شیڈول فائنل کرنے کیلئے پی سی بی، بی سی سی آئی سمیت دیگر بورڈ ممبرز سے بات کر رہے ہیں۔

چیمپیئنز ٹرافی، پی سی بی کا نیا فارمولا منظور ہونے کے قریب ہے، بھارتی میڈیا

ذرائع کے مطابق آئی سی سی حکام نے میٹنگ میں براڈ کاسٹرز سے مزید وقت مانگا ہے اور انہیں آئندہ ایک سے دو روز میں شیڈول فائنل کرنے کی تسلی بھی دی ہے، ذرائع کے مطابق آئی سی سی نے تاحال پی سی بی کے پارٹنرشپ فارمولے پر حتمی فیصلہ نہیں کیا ہے۔

دوسری جانب بھارتی میڈیا پاکستان کا پارٹنرشپ فارمولا منظور کیے جانے کا دعویٰ بھی کررہا ہے، چیمپیئنز ٹرافی کے شیڈول کیلئے آئی سی سی بورڈ میٹنگ 7 دسمبر کو بلائے جانے کا امکان ہے۔

اس میٹنگ میں سی ای او جیف ایلرڈائس اور کمرشل ڈائریکٹر انوراگ نے آئی سی سی کی نمائندگی کی، مختلف ممالک سے تعلق رکھنے والے براڈ کاسٹرز اور میڈیا پارٹنرزاس میٹنگ میں شریک ہوئے۔ واضح رہے کہ پاکستان اپنے موقف پر ڈٹا ہوا ہے۔