ہماری ویب | Dec 05, 2024
سٹیٹ بنک آف پاکستان نے ترسیلات زر کی صنعت میں ACE منی ٹرانسفر کو عالمی لیڈر قرار دیتے ہوئے ترسیلات زر کے لحاظ سے چوتھی سب سے بڑی گلوبل فن ٹیک ہونے کے اعزاز سے نوازا ہے، یہ اعزاز ترسیلات زر کے شعبے میں اے سی ای کی کلیدی حیثیت کا ثبوت ہے۔ یہ ایوارڈ 28 نومبر 2024 کو روم، اٹلی میں منعقدہ چوتھی پاکستان ریمیٹنس سمٹ 2024 میں پیش کیا گیا، جس میں شعبے کی سرکردہ شخصیات اور عالمی مالیاتی سٹیک ہولڈرز نے شرکت کی۔ ایک بین الاقوامی فنٹیک ہونے کے ناطے، ACE منی ٹرانسفر ترسیلات زر کے قانونی ذرائع کو فروغ دینے اور رسمی مالیاتی بہاؤ کے ذریعے ملکی معیشت کو تقویت دینے میں پیش پیش رہا ہے۔سٹیٹ بینک آف پاکستان کی جانب سے یہ اعتراف کمپنی کے بڑھتے ہوئے اثرات اور بیرون ملک مقیم لاکھوں پاکستانیوں کے لیے محفوظ، کم خرچ اور موثر ترسیلاتِ زر کے ذریعے کے طور پر اس کی لگن کو اجاگر کرتا ہے۔ پاکستان ترسیلات زر کی وصولی کے لحاظ سے دنیا کا پانچواں سب سے بڑا ملک ہے، جہاں 24 فیصد اضافے کی شرح کے ساتھ تارکین وطن کی طرف سے بھیجی گئی رقوم معاشی استحکام میں اہم کردار ادا کرتی ہیں۔ اکتوبر 2024 میں پاکستان کے لئے ترسیلات زر کا حجم 3.052 بلین ڈالر تک پہنچ گیا۔ اعتماد اور ٹیکنالوجی سے تقویت یافتہ ACE منی ٹرانسفر کے اختراعی انداز نے اسے خاندانوں کو جوڑنے اور ترقی کو آگے بڑھانے کے ایک اہم ذریعیکے طور پر مستحکم کیا ہے۔ ACE منی ٹرانسفر کے سی ای او راشد اشرف کا کہنا ہے کہ "سٹیٹ بینک آف پاکستان کا اے سی ای کے لئے یہ باوقار ایوارڈ دنیا بھر میں لاکھوں پاکستانیوں اور دیگر غیر ملکیوں کی مدد کرنے کا ثبوت ہے، جو انہیں اپنے پیاروں کی خوشحال زندگی کو یقینی بنانے کے لیے محفوظ طریقے سے فنڈز منتقل کرنے میں مدد کرتا ہے۔" انہوں نے کہا کہ"ہم پاکستان کو جدید تکنیکی ترسیلات زر کے حل کے ذریعے دنیا کے مرکز میں لاتے ہوئے ملککی معیشت میں زیادہ سے زیادہ حصہ ڈالنے اور پوری دنیا کو نئے حل فراہم کرنے کے لیے پرعزم ہیں"۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More