اسلام آباد ہائیکورٹ نے نیب کے سابق ڈائریکٹر جنرل شہزاد سلیم کے خلاف کارروائی سے روک دیا۔
سابق ڈی جی نیب شہزاد سلیم کے خلاف مس کنڈکٹ پر نیب میں انکوائری شروع ہونے کا انکشاف ہوا ہے ، چیئرمین نیب نے سابق ڈی جی نیب کو چارج شیٹ جاری کی جسے انہوں نے اسلام آباد ہائیکورٹ میں چیلنج کیا۔
اربوں کے کرپشن کیسز ختم ، بغیر دانتوں والا نیب انجوائے کرے ، اسلام آباد ہائیکورٹ
منگل کو شہزاد سلیم کی درخواست پر اسلام آباد ہائکورٹ کے جسٹس ارباب طاہر نے سماعت کی اور نیب کو کارروائی سے روک دیا۔ عدالت نے جواب کیلئے نیب کو 16 دسمبر کے لیے نوٹس بھی جاری کر دیا ہے۔
عدالت نے حکم دیا کہ پٹیشن کے فیصلے تک نیب شہزاد سلیم کے خلاف کوئی کارروائی نہ کرے۔ عدالت نے نیب سے مکمل انکوائری رپورٹ اور پیراوائز کمنٹس بھی مانگ لیے ہیں۔