آئینی عدالت کا قیام، خیبرپختونخوا حکومت کا اسمبلی میں قرارداد نہ لانے کا فیصلہ

پشاور: خیبرپختونخوا حکومت نے آئینی عدالتوں کے قیام کیلئے صوبائی اسمبلی میں قرارداد نہ لانے کا فیصلہ کر لیا۔

صوبائی وزیر قانون آفتاب عالم کا کہنا ہے کہ 26 ویں آئینی ترامیم کو ہم مانتے ہی نہیں تو کیسے آئینی عدالتوں کے قیام کا فیصلہ مانیں، اسی لیے خیبر پختونخوا حکومت نے 26 ویں آئینی ترمیم کے تحت آئینی عدالتوں کے قیام کے لیے قرارداد صوبائی اسمبلی میں پیش نہ کرنے کا فیصلہ کیا ہے۔

ہم اسلام آباد کوئی قلعہ فتح کرنے نہیں گئے تھے، عمر ایوب

اس حوالے سے کابینہ نے بھی منظوری دی ہے کہ آئینی عدالتوں کے قیام کے لئے قرارداد اسمبلی میں پیش نہیں کرنی، اس حوالے سے وزیر قانون آفتاب عالم نے نجی ٹی وی چینل کو بتایا کہ تحریک انصاف نے 26 ویں آئینی ترمیم کی مخالفت کی ہے تو اسے کیسے ہم تسلیم کر سکتے ہیں۔

کابینہ نے بھی منظوری دی ہے کہ آئینی عدالتوں کے قیام کے لئے قرارداد اسمبلی میں پیش نہیں کرنی۔وزیر قانون کا کہنا ہے کہ خیبرپختونخوا اسمبلی کا ایوان مکمل نہیں، مخصوص نشستوں کا فیصلہ نہیں ہوا اور سینیٹ الیکشن بھی نہیں ہوئے اس صورتحال میں نامکمل ایوان میں کیسے قرارداد لائی جائے۔