لاہور سمیت پنجاب کے مختلف شہروں میں اسموگ کی ابتر صورتحال کے باعث پارکس، تفریح گاہیں اور عجائب گھر آج سے 10 دن کے لیے بند کر دیئے گئے۔
پنجاب حکومت نے اس حوالے سے نوٹیفکیشن جاری کر دیا ہے ، پابندی 8 نومبر سے 17 نومبر تک لاگو رہے گی ، نوٹیفکیشن میں خبردار کیا گیا ہے کہ خلاف ورزی پر گرفتاری اور جرمانے کی سزا بھی ہو سکتی ہے۔
اسموگ کی روک تھام ، پنجاب بھر میں مارکیٹیں رات 8 بجے بند کرنیکا حکم
واضح رہے لاہور اور ملتان سمیت پنجاب کے مختلف شہروں میں اسموگ کی شدت برقرار ہے، فضائی آلودگی کے باعث سانس لینا دشوار ہو گیا ہے ،صبح سویرے لاہور میں پارٹیکولیٹ میٹرز کی تعداد 860 ریکارڈ کی گئی۔
دوسری جانب پولیس کا کہنا ہے کہ اسموگ کا باعث بننے والے عناصر کے خلاف زیرو ٹالرنس کارروائیاں جاری ہیں۔