ترجمان دفتر خارجہ ممتاز زہرہ بلوچ کا کہنا ہے کہ لندن میں پاکستانی ہائی کمیشن کی گاڑی کو نشانہ بنانے پر تشویش ہے، قانونی کارروائی کریں گے۔
ہفتہ وار میڈیا بریفنگ کے دوران انہوں نے کہا کہ برطانیہ قانونی درسگاہ مڈل ٹیمپل میں قاضی فائزعیسیٰ کے اعزاز میں تقریب کے بعد حملہ آوروں نے سابق چیف جسٹس اور پاکستانی ہائی کمشن کی گاڑی پر حملہ کردیا۔
لندن میں قاضی فائز عیسیٰ کی گاڑی پر حملہ ، وزیر داخلہ کا ملزمان کے پاسپورٹ ، شہریت منسوخ کرنیکا اعلان
انہوں نے کہا کہ پاکستان نے برکس میں شمولیت کی خواہش کا اظہار کیا ہے، پاکستان برکس کی رکنیت کے لیےتمام شرائط پر پورا اترتا ہے۔ فلسطین و لبنان میں امن و امان کے قیام کا مطالبہ کرتے ہیں
انہوں نے کہا کہ عالمی برادری اسرائیل کو جنگی جرائم کی پاداش میں انصاف کے کٹہرے میں لائے، کشمیریوں کی خواہشات کے مطابق مسئلہ کشمیر کےحل کی حمایت جاری رکھیں گے۔
برکس کا رکن بننے کیلئے حمایت کی جائے، پاکستان کی روس سے درخواست
انہوں نے کہا کہ وزیراعظم شہباز شریف 2 روزہ دورے پر آج دوحہ پہنچے ہیں، شہباز شریف امیر و قطری وزیراعظم سے ملاقات کریں گے۔