اسلام آباد: ایشیائی ترقیاتی بینک (اے ڈی بی) نے پاکستان کے لیے 50 کروڑ ڈالر قرض کی منظوری دے دی۔
ذرائع کے مطابق ایشیائی ترقیاتی بینک کی جانب سے ماحولیاتی اور قدرتی آفات سے تحفظ پروگرام کے لیے قرض منظور ہوا ہے۔
وزیر خزانہ نے صدر اے ڈی بی سے ملاقات کے دوران قرض کی درخواست کی تھی۔
یہ بھی پڑھیں: نیشنل ہائی وے اتھارٹی کی سالانہ آمدن 100 فیصد بڑھ کر 110 ارب روپے ہو گئی
صدر اے ڈی بی نے کہا ہے کہ پاکستان موسمیاتی تبدیلی سے متاثرہ ممالک کی فہرست میں شامل ہے۔ قرض کی منظوری موسمیاتی تبدیلی اور ڈیزاسٹر رسک کے منصوبوں پر خرچ ہو گی۔
انہوں نے کہا کہ موسمیاتی تبدیلی کے اثرات کے باعث سالانہ 2 ارب ڈالر کا نقصان ہو رہا ہے۔
واضح رہے کہ دو روز قبل وزیر خزانہ محمد اورنگزیب نے صدر اے ڈی بی سے ملاقات کے بعد کہا تھا کہ امید ہے اے ڈی بی پاکستان کے لیے پالیسی بیسڈ لون کی منظوری پر غور کرے گا۔