فلپائن کے شمال مشرقی ساحل سے سمندری طوفان ’ ٹریمی‘ کے ٹکرانے سے لینڈ سلائیڈنگ کی زد میں آ کر 26 افراد ہلاک ہو گئے ۔
غیر ملکی خبر رساں ایجنسی رائٹرز کے مطابق طوفان کے باعث ڈیڑھ لاکھ سے زائد افراد نے محفوظ مقامات کی طرف نقل مکانی کی ۔
فلپائنی حکام کا کہنا ہے کہ سمندری طوفان کے باعث لوزون کے مرکزی جزیرے پر موسلا دھار بارشیں ہوئیں جو بڑے پیمانے پر سیلاب اور لینڈ سلائیڈنگ کی وجہ بنیں۔
ملٹن اس صدی کا خطرناک ترین سمندری طوفان ہوسکتا ہے، امریکی حکام
محکمہ موسمیات کے مطابق 95 کلومیٹر فی گھنٹہ کی رفتار سے چلنے والی تیز ہواؤں کے ساتھ یہ طوفان مغرب کی طرف کرڈیلیرا کے شمالی پہاڑی سلسلے سے بحیرہ جنوبی چین کی طرف بڑھ رہا ہے۔
فلپائنی محکمہ موسمیات نے چند شمالی صوبوں میں شدید بارشوں، سیلاب، لینڈ سلائیڈنگ اور طوفانی لہروں کے حوالے سے انتباہ جاری کر دیا ہے۔