پاکستان نے یو اے ای کو شکست دے کر ایمرجنگ ٹی 20 ایشیا کپ کے سیمی فائنل میں جگہ بنالی۔
پاکستان شاہینز نے متحدہ عرب امارات کو 114 رنز سے شکست دے دی، یو اے ای کی ٹیم پاکستان کی جانب سے دیے گئے 180 رنز کے تعاقب 65 رنز پر ڈھیر ہوگئی۔
یو اے ای کے راہول چوپڑا 20، تانش سوری 15 رنز بنا کر نمایاں رہے، 8 کھلاڑی ڈبل فگر میں بھی داخل نہ ہوسکے۔
پاکستان کی جانب سے شاہنواز داہانی نے شاندار بولنگ کرتے ہوئے پانچ کھلاڑیوں کو پویلین کی راہ دکھائی، سفیان مقیم نے دو وکٹیں حاصل کیں۔
اس سے قبل پہلے بیٹنگ کرتے ہوئے پاکستان نے 4 وکٹوں کے نقصان پر 179 رنز بنائے تھے۔
کپتان محمد حارث نے 71 رنز کی ناٹ آؤٹ اننگز کھیلی تھی، قاسم اکرم 23 رنز کے ساتھ نمایاں رہے تھے، عمیر یوسف 21 اور یاسر خان 25 رنز بنا کر آؤٹ ہوئے۔
حیدر علی نے 17 گیندوں پر 32 رنز کی برق رفتار اننگز کھیلی تھی۔
یو اے ای کی جانب سے محمد فاروق نے تین وکٹیں حاصل کی تھیں۔
واضح رہے کہ ایونٹ میں بھارت نے پاکستان کو سنسنی خیز مقابلے کے بعد 7 رنز سے شکست دی تھی۔