پاکستان تحریک انصاف بلوچستان کے صدر داؤد شاہ کو کوئٹہ پولیس نے گرفتار کر لیا۔
میڈیا رپورٹس کے مطابق ایس ایس پی آپریشن کوئٹہ محمد بلوچ نے بتایا کہ داؤد شاہ کو نقص امن کے خطرے کے پیش نظر تھری ایم پی او کے تحت گرفتار کیا گیا ہے۔ گرفتاری اس وقت عمل میں لائی گئی جب وہ سبی میں ہونے والے ایک جلسے میں شرکت کے لیے روانہ ہو رہے تھے۔
ڈی چوک پر احتجاج کی کال ، پی ٹی آئی رہنمائوں کے گھروں پر چھاپے ، 7 کارکن گرفتار
پارٹی رہنماؤں نے اس حوالے سے بیان دیتے ہوئے کہا کہ داؤد شاہ کو سریاب کسٹم کے قریب گرفتار کیا گیا اور بعد میں انہیں کینٹ تھانے کوئٹہ منتقل کر دیا گیا۔
تحریک انصاف نے دائود شاہ کی گرفتاری کو سیاسی انتقام قرار دیتے ہوئے احتجاج کی دھمکی دی ہے۔