مسلم لیگ ن کے سینئر رہنما خواجہ سعد رفیق نے حکومت کو مشورہ دیا ہے کہ وہ پی ٹی آئی رہنماؤں کی ان کے قائد سے ملاقات کرا دے۔
خواجہ سعد رفیق نے مشورہ دیتے ہوئے کہا ہے کہ حکومت کو احتجاج کا عُذر ختم کر دینا چاہیے۔ غیر ملکی مہمانوں کی پاکستان آمد پر جھگڑا کرنا پی ٹی آئی کی روایت رہی ہے۔
سابق وفاقی وزیر کا کہنا ہے کہ پی ٹی آئی کو احتجاج کی کال غیر مشروط طور پر واپس لینی چاہیے۔
بلوچستان سے اٹھتی لال آندھی اب سائیکلون بن رہی ہے، خواجہ سعد رفیق
انہوں نے یہ بھی کہا ہے کہ حکومت تحریکِ انصاف کے رہنماؤں اور ان کے قائد کی ملاقات کروا بھی دے تو بھی پی ٹی آئی احتجاج کا کوئی اور بہانہ نکال سکتی ہے۔