15 اکتوبر کو پی ٹی آئی کی ڈی چوک پر احتجاج کی کال کے بعد پولیس نے مختلف شہروں میں تحریک انصاف کے رہنمائوں کے گھروں پر چھاپے مار کر 7 کارکنوں کو گرفتار کر لیا۔
پولیس ذرائع کے مطابق ٹیکسلا، روات، گوجر خان اور کلرسیداں میں چھاپے مارے گئے۔ رات گئے پی ٹی آئی رہنما راجہ بشارت ، سابق ایم پی اے وحید قاسم، عارف عباسی اور راشد حفیظ کے گھروں پر چھاپے مارے گئے۔
میرا بھائی بھی گرفتار کر لیا گیا، بانی پی ٹی آئی کے اگلے حکم کا انتظار کرینگے ، اسد قیصر
پولیس نے چھاپوں میں 7 کارکنوں کو حراست میں لے لیا۔ پولیس حکام کا کہنا ہے کہ راولپنڈی میں دفعہ 144 کے تحت احتجاج یا ریلی کی اجازت نہیں ، ایس اسی او کانفرنس کے لیے راولپنڈی میں سکیورٹی ہائی الرٹ کر دی گئی ہے۔