حیدر آباد ریلوے اسٹیشن کے قریب کراچی ایکسپریس کی دو بوگیاں پٹری سے اتر گئیں تاہم کوئی جانی نقصان نہیں ہوا۔
ریلوے حکام کے مطابق حادثہ اسٹیشن سے روانہ ہونے کے فوراً بعد ریلوے یارڈ میں پیش آیا۔ حادثے کے فوراً بعد ریلوے کا تکنیکی عملہ موقع پر پہنچ گیا اور بوگیوں کو دوبارہ ٹریک پر لانے کا کام شروع کر دیا۔
فیصل آباد ، ٹرین ڈرائیور مال گاڑی کی 2 بوگیاں پیچھے چھوڑ کر نکل گیا
بوگیاں ٹریک سے اترنے کی وجہ سے اپ اور ڈاؤن ٹریک کی ریلوے ٹریفک معطل رہی، جس کی وجہ سے مسافروں کو مشکلات کا سامنا کرنا پڑا۔
بعد ازاں پٹری سے اترنے والی دو بوگیوں کو الگ کر کے اپ ٹریک کو بحال کر دیا گیا۔ حکام نے حادثے کی تحقیقات شروع کر دی ہیں۔