اسلام آباد سمیت پنجاب کے مختلف شہروں میں زلزلے کے جھٹکے

اسلام آباد سمیت پنجاب اور خیبرپختونخوا میں زلزلے کے جھٹکے محسوس کیے جن کی شدت 5.7 ریکارڈ کی گئی۔

زلزلہ پیما مرکز پی ایم ڈی کے مطابق بدھ کی دوپہر آنے والے زلزلے کی شدت 5.7 تھی اور گہرائی 10 کلومیٹر تھی، جبکہ اس کا مرکز ڈیرہ غازی خان تھا۔

دوسری جانب پی ڈی ایم اے کو پنجاب کے تمام اضلاع سے زلزلہ بارے ابتدائی رپورٹ موصول ہوئی۔

ترجمان پی ڈی ایم اے کے مطابق لاہور سمیت پنجاب کے دیگر علاقوں میں زلزلے کے جھٹکے محسوس کیے گئے۔

ڈی جی پی ڈی ایم اے نے کہا کہ پنجاب بھر کی انتظامیہ عمارتوں کی چیکنگ میں مصروف ہے۔ زلزلہ کے آفٹر شاکس سے نمٹنے کے لیے مشینری اور عملے کو الرٹ رکھا گیا ہے۔