برازیل میں عدالتی احکامات کے بعد سماجی رابطے کی ویب سائٹ ایکس پر مکمل پابندی لگادی گئی ہے۔
بین الاقوامی خبر رساں ادارے کے مطابق برازیل میں ایکس کی ویب سائٹ پر ایک نئے قانونی نمائندے کا نام دینے کے لیے سپریم کورٹ کے جج کی طرف سے مقرر کردہ ڈیڈ لائن کو پورا کرنے میں ناکامی پر پابندی لگا دی گئی ہے۔
سپریم کورٹ کے جج الیگزینڈر ڈی موریس نے سوشل میڈیا پلیٹ فارم کی فوری اور مکمل معطلی کا حکم دیا۔ جج نے مبینہ طور پر غلط معلومات پھیلانے کے الزام میں درجنوں ایکس اکاؤنٹس کو معطل کرنے کا حکم دیا تھا۔
سنسرشپ کے احکامات ، ایکس نے برازیل میں آپریشن بند کر دیا
میڈیا رپورٹس کے مطابق برازیلین عدالت نے ایکس کے مالک ایلون مسک سے پلیٹ فارم پر جعلی خبریں پھیلانے والوں کے خلاف کارروائی کا مطالبہ کیا تھا تاہم مسک نے اس مقصد کے لیے برازیل میں دفتر کھولنے سے انکار کر دیا تھا۔
ایلون مسک کے انکار کے بعد برازیل کی سپریم کورٹ کی جانب سے حکم جاری کیا گیا کہ ملک بھر میں فوری طور پر ایکس کی سروسز مکمل بند کر دی جائیں۔
خیال رہے کہ ایک سروے کے مطابق برازیل میں 22 ملین سے زائد ایکس کے صارفین موجود ہیں۔