پاکستان نے بھارت کے وزیراعظم نریندر مودی کو شنگھائی تعاون تنظیم کے اجلاس میں شرکت کے لیے پاکستان آنے کی دعوت دے دی ہے۔
پاکستان میں شنگھائی تعاون تنظیم کا دو روزہ اجلاس رواں سال 15 اور 16 اکتوبر کو اسلام آباد میں ہو گا۔ بھارت کی جانب سے اس دعوت نامے پر تاحال کوئی فیصلہ نہیں کیا گیا۔
شنگھائی تعاون تنظیم کا اجلاس، وزیراعظم کی تاجکستان کے صدر سے ملاقات
وزارتِ خارجہ نے بتایا کہ بھارتی وزیرِ اعظم سمیت تمام رکن ممالک کو اجلاس میں شرکت کی دعوت دی گئی ہے ، وزارتِ خارجہ تمام ملکوں کے سربراہوں کی اجلاس میں شرکت کی تصدیق کی منتظر ہے۔
واضح رہے آخری بار 2015 میں بھارت کی وزیر خارجہ سشما سوراج نے شنگھائی تعاون تنظیم کے اجلاس میں شرکت کے لیے پاکستان کا دورہ کیا تھا۔