مشیر اطلاعات خیبر پختونخوا بیرسٹر سیف نے یوٹیلٹی اسٹورز بند کرانے کے فیصلے پر ردعمل دیتے ہوئے کہا ہے کہ یوٹیلیٹی سٹورز بند کرانا نااہل حکومت کی غریب دشمن پالیسی کا واضح ثبوت ہے۔
بیرسٹر سیف کا کہنا تھا کہ یوٹیلیٹی اسٹورز غریب عوام کے لئے ریلیف کا واحد ذریعہ تھا، مینڈیٹ چور حکومت نے مہنگائی کے ستائے عوام کو اس ریلیف سے بھی محروم کیا۔
جلسے سے متعلق بڑے بڑے دعوے کرنے پر کارکنان سے معذرت چاہتا ہوں، شیر افضل مروت
انہوں نے کہا کہ اسٹورز بند کرانے سے ہزاروں کی تعداد میں خاندانوں کا ذریعہ معاش بھی چھینا گیا، نااہل حکومت اشتہاری مہم پر اربوں خرچ کر رہی ہے مگر یوٹیلیٹی سٹورز کے لئے پیسے نہیں، ٹک ٹاکر راج کماری مریم نواز ذاتی تشہیر پر کروڑوں روپے خرچ کر رہی ہے، غریب عوام پر پیسے خرچ کرنے کیلئے خزانہ خالی ہے۔
تحریک انصاف اور جے یو آئی کا حکومت کو ٹف ٹائم دینے پر اتفاق
بیرسٹر سیف نے مزید کہا کہ مہنگائی کے اس دور میں غریب جائیں تو کہاں جائیں، جعلی فارم 47 حکومت میں غریب عوام خودکشیوں پر مجبور ہیں۔