برطانیہ نے پاکستانیوں کا یوکے کا سفر آسان بنانے کیلئے نئے بائیو میٹرک صارفین تک ای ویزا کی توسیع کردی ہے۔
غیر ملکی ذرائع ابلاغ کے مطابق برطانیہ کے ہائی کمیشن کے اعلامیے میں کہا گیا ہے کہ برطانیہ نے نئے بائیو میٹرک صارفین تک ای ویزا کی توسیع کردی ہے۔
اعلامیہ کے مطابق یوکے امیگریشن سسٹم ڈیجیٹل ہو رہا ہے، دستاویزات کو آن لائن امیگریشن اسٹیٹس سے بدل دیا جائیگا، ای ویزا تک رسائی کیلئے یوکے وی آئی آن لائن اکاؤنٹ بنانے کی ضرورت ہوگی۔
ہائی کمشنرجین میریٹ کا کہنا ہے کہ بطور سیاح یوکے وی آئی اکاؤنٹ بنانے کی ضرورت نہیں، پاکستانیوں کا برطانیہ کا سفر آسان بنانے کیلیے کام کررہے ہیں۔
دوسری جانب ایشیائی ملک نے معیشت کی بہتری کے لیے 35 ممالک کے لیے ویزا فری انٹری کا اعلان کردیا۔
رپورٹ کے مطابق سری لنکا کی وزارت سیاحت کے مشیر ہاربن فرنینڈو نے سعودی عرب سے سفارتی تعلقات کے 50 سال مکمل ہونے پر 35 ممالک کے لیے ویزا فری انٹری کا اعلان کیا۔
اعدادو شمار کے مطابق سری لنکا سیاحوں کی آمد کے اعتبار سے سعودی عرب کے بعد تیسرا بڑا ملک ہے۔
خیال رہے کہ سری لنکا نے سعودی عرب کے علاوہ دیگر 34 ممالک کے شہریوں کے لیے بھی ویزا فری سروس فراہم کرنے کا اعلان کیا ہے۔