کراچی کے علاقے کارساز میں پیش آنے والے ٹریفک حادثے میں ڈاکٹرز نے خاتون ڈرائیور کی ذہنی حالت درست قرار دے دی۔
کارساز ٹریفک حادثے میں پانچ موٹر سائیکلوں کو کچلتے ہوئے باپ بیٹی کی جان لینے والی خاتون ملزمہ کی ذہنی حالت سے متعلق رپورٹ سامنے آ گئی۔ ڈاکٹروں نے ملزمہ کو ذہنی مریضہ قرار دینے سے انکار کر دیا۔
کراچی کے جناح اسپتال کے ماہر نفسیات نے کارساز ٹریفک حادثہ کیس میں نامزد خاتون کی دماغی حالت کو درست قرار دے دیا۔ جناح اسپتال کے شعبہ نفسیات کے سربراہ ڈاکٹر چنی لال نے بتایا کہ 19 اگست کو ملزمہ کو جناح اسپتال لایا گیا تھا۔ جب اسپتال لایا گیا تو اس کی حالت ٹھیک نہیں تھی۔
کارساز ٹریفک حادثہ، ملزمہ نفسیاتی قرار، ڈرائيونگ لائسنس بھی نہ ہونے کا انکشاف