"دسمبر تک تمام کرنسی نئے ڈیزائن کے مطابق متعارف کروائی جائے گی۔ کاغذ کی کرنسی کے بجائے ایک نوٹ پلاسٹک کا بھی متعارف کروایا جائے گا جبکہ نئے ڈیزائن کی کرنسی متعارف کروانے کے لیے وفاقی کابینہ سے جلد منظوری لی جائے گی"
یہ کہنا ہے اسٹیٹ بینک گورنر جمیل احمد کا جنھوں نے پچھلے دنوں سینیٹ کی قائمہ کمیٹی برائے خزانہ کے اجلاس میں کرنسی نوٹوں کی تبدیلی کے حوالے سے آگاہ کیا.
گورنر اسٹیٹ بینک کا کہنا تھا کہ 5 ہزار کا نوٹ بند نہیں کیا جائے گا اور نہ ایسی تجاویز ہیں۔ پلاسٹک کرنسی کی لائف کاغذ کی کرنسی سے بہتر ہوئی تو مستقل میں یہی استعمال ہوگی، نئے کرنسی نوٹوں میں تمام نئے فیچرز متعارف کروائے جائیں گے، پلاسٹک کرنسی کے لیے پولی مر کا پلاسٹک استعمال کیا جائے گا۔
گورنر اسٹیٹ بینک کے مطابق 10 روپے سے لے کر 5 ہزار روپے تک کے تمام کرنسی نوٹ تبدیل کیے جائیں گے.