کوئی تنصیب کی جارہی ہے جو ٹھیک طریقے سے مکمل نہیں ہورہی، پاشا علی احسان

پاکستان سافٹ ویئر ہاؤسز ایسوسی ایشن کے وائس چیئرمین پاشا علی احسان نے کہا ہے کہ انٹرنیٹ میں خلل سے آئی ٹی انڈسٹری کو 30 کروڑ ڈالر کا نقصان ہورہا ہے۔

نجی ٹی وی چینل سے گفتگو کرتے ہوئے انہوں نے ملک بھر انٹرنیٹ کی سُست رفتار سے متعلق اظہار خیال کیا۔ انہوں نے کہا کہ شاید کوئی تنصیب کی جارہی ہے جو ٹھیک طریقے سے اینٹی گریٹ (مکمل) نہیں ہورہی۔

پاشا علی احسان کا کہنا تھا کہ آئی ٹی سیکٹر میں بڑی کمپنیوں کی شکایات ہیں کہ ان کی لائنیں متاثر ہوئی ہیں۔ کل تک تو انٹرنیٹ کا مسئلہ حل نہیں ہوا تھا۔

انٹرنیٹ بند کیا نہ سلو، دباؤ وی پی این کی وجہ سے آیا، وزیر مملکت آئی ٹی

انہوں نے کہا کہ فائر وال سے متعلق ہم سے کوئی مشاورت نہیں کی گئی۔ ہم مشاورت کرنا چاہتے ہیں اور کام کرنا چاہتے ہیں، ہم ملک میں ڈالر لے کر آتے ہیں۔

خیال رہے کہ گزشتہ وزیر مملکت آئی ٹی شزہ فاطمہ کی جانب سے پریس کانفرنس کرتے ہوئے کہا گیا تھا کہ ملک میں انٹرنیٹ بند کیا نہ ہی سلو کیا گیا۔ انٹرنیٹ کی سُسٹ رفتاری کی وجہ وی پی این کا استعمال ہے۔