چہلم حضرت امام حسینؓ کے موقع پر پنجاب کے 10 اضلاع میں جزوی طور پر موبائل سروس معطل رہے گی۔
محکمہ داخلہ پنجاب نے ان 10 اضلاع میں جزوی طور پر موبا ئل سرو س معطل کرنے کے لیے پولیس کی درخواست پر وفاقی حکومت کو مراسلہ لکھ دیا۔
جلوس اور مجالس کے علاقوں میں مو بائل سروس جزوی طور پر معطل کرنے کی سفارش کی گئی ہے،ان اضلاع میں مجلس کے مقامات پر صبح 5 سے رات 11 بجے تک موبائل سروس بند رہے گی۔
ملک میں انٹرنیٹ کی رفتار میں 30 سے 40 فیصد کمی آ گئی
راولپنڈی، جھنگ، لیہ، سرگودھا، بھکر، میانوالی، گجرات، گوجرانولہ، چکوال اور ٹوبہ ٹیک سنگھ میں موبائل سر وس جزوی معطل رہے گی۔
ترجمان محکمہ داخلہ پنجاب کے مطابق لاہور سمیت پنجاب کے دیگر تمام اضلاع میں موبائل فون سروس بحال رہے گی، امن و امان کے قیام اور شہریوں کی حفاظت کے لیے مخصوص مقامات پر موبائل سرو س معطل کرنے کا فیصلہ کیا گیا ہے۔