پاکستان میں حکومت کا پیٹرول اور ڈیزل کی قیمتوں میں کمی کا اعلان

پاکستان میں حکومت کی جانب سے پیٹرولیم مصنوعات کی قیمتوں میں کمی کا اعلان کیا گیا ہے۔منگل کی رات وزارت خزانہ کی جانب سے جاری کیے گئے نوٹی فیکیشن کے مطابق پیٹرول کی فی لیٹر قیمت میں 8 روپے 47 پیسے کمی کی گئی ہے۔‘’ہائی سپیڈ ڈیزل کی فی لیٹر قیمت میں 6 روپے 70 پیسے کی کمی ہوئی ہے جس کے بعد پیٹرول کی فی لیٹر نئی قیمت 260 روپے 96 پیسے ہوگئی ہے۔‘ نوٹی فیکیشن میں کہا گیا ہے پیٹرولیم مصنوعات کی نئی قیمتوں کا اطلاق منگل اور بدھ کی درمیانی رات 12 بجے سے ہوگا اور یہ قیمتیں آئندہ 15 روز کے لیے برقرار رہیں گی۔