پاکستان آرمی چیف جنرل سید عاصم منیر سے ملاقات میں امام مسجد نبویؐ نے کہا کہ پاکستان کا مسلم دنیا میں ایک اہم مقام ہے۔
آئی ایس پی آرکے مطابق آرمی چیف جنرل سید عاصم منیرسے مسجد نبویؐ کے امام صلاح بن محمد البدیر نے ملاقات کی،ملاقات میں باہمی دلچسی کے امور پرتبادلہ خیال کیا گیا۔آئی ایس پی آر کے مطابق آرمی چیف جنرل سید عاصم منیر نے کہا کہ مسجد نبویؐ کے امام صلاح بن محمد البدیرکا دورہ پاکستانی عوام کے لیے اعزاز کی بات ہے۔
افواج پاکستان کی جانب سے گولڈ میڈل جیتنے پر ارشد ندیم کو مبارکباد
ملاقات کے موقع پر مسجد نبویؐ کے امام صلاح بن محمد البدیر کا کہنا تھا کہ پاکستان کا مسلم دنیا میں ایک اہم مقام ہے، پاکستان خطے میں امن و استحکام کیلئے بھرپور کردار ادا کر رہا ہے۔
آئی ایس پی آر کے مطابق دونوں نے پاک سعودی تعلقات پر اطمینان کا اظہار کیا، امام مسجد نبویؐ نے امت مسلمہ کے امن، استحکام اور اتحاد کے لیے دعا بھی کی۔