ملک بھر میں بجلی کی قیمت بڑھنے کے بعد عوام مشکلات کا شکار ہیں. سندھ کے وزیر توانائی ناصر حسین شاہ نے اس حوالے سے مفت سولر پینل کی فراہمی کے بارے میں عوام کو بڑی خوشخبری سنادی۔
گزشتہ دنوں پاکستان پیپلز پارٹی کے چیئرمین بلاول بھٹو کی ہدایت پر صوبائی وزیر توانائی سید ناصرحسین شاہ اور محکمہ توانائی کے اعلیٰ افسران اور این جی اوز کے ساتھ مفت سولر فراہمی منصوبہ کے حوالے سے اجلاس کیا گیا.
اجلاس سے خطاب کرتے ہوئے ناصر شاہ کا کہنا تھا کہ اگست کے مہینے سے ہی سولر پینل کی مفت فراہمی شروع کردی جائے گی۔ بہت جلد ہر ایک ڈویژن اور ڈسٹرکٹ میں سولر پینل مفت تقسیم کرنے کے عمل کا سلسلہ شروع کریں گے تاکہ عوام کے کاندھوں سے مہنگی بجلی کا بوجھ کم کیا جاسکے.