ڈسٹرکٹ اینڈسیشن کورٹ اسلام آباد نے پیکا ایکٹ کے تحت درج مقدمے میں پی ٹی آئی کے رہنما رؤف حسن کے مزید جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھیج دیا۔
رؤف حسن و دیگر ملزمان کو ایف آئی اے نے دو روز کا جسمانی ریمانڈ پورا ہونے پر جوڈیشل مجسٹریٹ شبیر بھٹی کی خصوصی عدالت میں پیش کیا۔
سابق چیئرمین پی ٹی آئی کا 12 مقدمات میں جسمانی ریمانڈ کالعدم قرار دینے کا تحریری فیصلہ جاری
ایف آئی اے پراسیکیوٹر نے کہا کہ ٹیکنیکل رپورٹ موصول ہوئی ہے، تمام ملزمان ایک دوسرے سے رابطے میں تھے۔
پی ٹی آئی کے وکیل علی ظفر نے کہا کہ رئوف حسن و دیگر کا 7 روز کا جسمانی ریمانڈ مکمل ہو چکا، رؤف حسن کی طبیعت ٹھیک نہیں، ان کا چیک اپ کرایا جائے۔
توشہ خانہ کیس، عمران خان اور بشریٰ بی بی کا 7 روزہ جسمانی ریمانڈ منظور
ایف آئی اے پراسیکیوٹر نے رؤف حسن کے مزید 5 روزکے جسمانی ریمانڈ کی استدعا کی تاہم عدالت نے مزید جسمانی ریمانڈ کی استدعا مسترد کرتے ہوئے تمام ملزمان کو جوڈیشل ریمانڈ پر جیل بھیجنے کا حکم جاری کر دیا۔