اسلام آباد کے سیکٹر آئی ٹین تھری میں ڈکیتی کی واردات، مسلح ملزمان 48 لاکھ روپے لوٹ کر فرار ہوگئے۔
پولیس حکام کے مطابق سیکٹر آئی ٹین تھری میں 4 مسلح ڈاکوؤں نے گھات لگا کر ڈکیتی کی واردات کی۔ ملزمان اسلح کی نوک پر 48 لاکھ روپے نقدی اور چیک چھین کر فرار ہوگئے۔
کراچی میں ڈکیتی کا الزام ،ڈی ایس پی اور بیٹے کو حراست میں لے لیا گیا
واقع کی سی سی ٹی وی فوٹیج بھی منظر عام پر آگئی جس میں ملزمان کو یکدم موٹر سائیکل سامنے کھڑی کر کے شہری کی گاڑی کو روکتے دیکھا جاسکتا ہے۔ تاحال تھانہ سبزی منڈی کی پولیس ملزمان کو گرفتار کرنے میں کامیاب نہیں ہوسکی۔
پولیس کا کہنا ہے کہ واقعے کا مقدمہ درج کرکے کارروائی شروع کردی گئی ہے۔