کیلے اپنے میٹھے ذائقے کی وجہ سے پسند تو بہت کیے جاتے ہیں البتہ یہ ایک یا دو دن بعد بہت زیادہ گل جاتے ہیں اور پھر کھانے کے قابل نہیں رہتے. آج کے آرٹیکل میں ہم آپ کو کچھ ایسی چیزیں بنانا سکھائیں گے جن سے آپ گلے ہوئے کیلوں کو استعمال کرسکتی ہیں..اس کے علاوہ بازار سے گلے ہوئے کیلے خرید کر بچوں کے لئے صحت بخش ڈشز بھی بنا سکتی ہیں. گلے ہوئے کیلے سستے ملتے ہیں جن سے آپ کی بچت بھی ہوجائے گی.
کیلے کی لسی
گلے ہوئے کیلوں کو دہی، دودھ اور الائچی کے ساتھ ملا کر گرائینڈ کر لیں اور کریمی اور تازگی بخش کیلے کی لسی تیار کرلیں. یہ گرمی کے لئے بہترین مشروب ہے.
کیلے کی روٹی بنائیں
زیادہ پکے ہوئے کیلے مزیدار روٹی بنانے کے لیے بہترین ہیں۔ بس انہیں میش کریں اور میدہ، چینی، انڈے اور مصالحے کے ساتھ مکس کریں، پھر ان کو بیک کر لیں.
اسموتھیز
اگر آپ کے پاس کیلے کو فوراً استعمال کرنے کا وقت نہیں ہے، تو ان کا چھلکا اتار کر کر چھوٹے ٹکڑوں میں کاٹ کر فریز کرلیں تاکہ بعد میں اسموتھیز کے لیے کام آسکیں°