پاکستان انٹرنیشنل ایئر لائن ( پی آئی اے ) کی نجکاری ستمبرتک موخر کر دی گئی۔
ذرائع کے مطابق پی آئی اے کی نجکاری کیلئے بولی نئی آڈٹ رپورٹ آنے کی وجہ سے موخر کی گئی ، بولی دہندگان نے بزنس ماڈل جمع کروانے کیلئے مزید وقت مانگ لیا ہے۔
پی آئی اے کی نجکاری میں التوا سے خزانے کو 850 ارب روپے کا نقصان ہوا، وفاقی وزیر
ذرائع کا کہنا ہے کہ بولی دہندگان برطانیہ اور یورپ کے لیے فلائٹس پر پابندی سے متعلق وضاحت چاہتے ہیں، اس کے علاوہ بولی دہندگان پی آئی اے جہازوں کی لیز معاہدوں کا بھی تفصیلی مطالعہ چاہتے ہیں۔
واضح رہے کہ پی آئی اے خریدنے میں 6 بزنس گروپوں نے دلچسپی ظاہر کی ہے۔