وزارت مذہبی امور نے لال حویلی کو نوٹس جاری کرتے ہوئے شیخ رشید کے بھائی کو طلب کر لیا۔
چیئرمین متروکہ وقف املاک بورڈ کے نوٹس میں شیخ رشید کے بھائی شیخ صدیق کو ہر صورت پیش ہونے کی ہدایت کی گئی ہے۔ نوٹس کے مطابق سماعت کسی صورت ملتوی نہیں کی جا سکتی۔
محکمے قانون کے مطابق نہیں چلتے ، لاہور ہائیکورٹ کا لال حویلی کو ڈی سیل کرنیکا حکم
لال حویلی کی پٹیشن سے متعلق سماعت 25 جولائی کو وزارت مذہبی امور اسلام آباد میں سیکرٹری وزارت مذہبی امور کرینگے۔ نوٹس کی کاپیاں وقف املاک بورڈ راولپنڈی اور سیٹلمنٹ ڈپٹی کمشنر کو بھیج دی گئیں۔
شیخ رشید کے بھائی شیخ صدیق کے وکیل سردار عبد الرازق کو بھی نوٹس کی کاپی بھیجی گئی ہے۔