صدر بن کر پہلے دن ہی غیرقانونی تارکین پر سرحدیں بند کر دوں گا: ٹرمپ

اردو نیوز  |  Jul 19, 2024

ری پبلکن پارٹی کی جانب سے صدارتی الیکشن میں اُمیدوار ڈونلڈ ٹرمپ نے کہا ہے کہ وہ منتخب ہونے کے بعد پہلے دن ملکی سرحدیں غیرقانونی تارکین وطن کے لیے بند کر دیں گے۔

خبر رساں ایجنسی اے ایف پی کے مطابق جمعرات کی شب اپنی پارٹی کے قومی کنونشن سے خطاب میں ٹرمپ نے کئی ملکی اور بین الاقوامی مسائل پر اظہارِ خیال کیا۔

ڈونلڈ ٹرمپ نے کہا کہ وہ تیل کی پیداوار کو بڑھائیں گے۔ ’صدر بننے کے پہلے دن دو کام کروں گا، ایک تیل کی پیداوار بڑھانا اور دوسرا اپنی سرحدیں بند کرنا۔‘

وسکونسن ریاست کے شہر ملووکی میں پارٹی کے کنونشن کے دوران باضابطہ صدارتی امیدوار نامزد کیے جانے کے موقع پر ڈونلڈ ٹرمپ نے خود پر ہونے والے قاتلانہ حملے پر بھی بات کی۔

ان کا کہنا تھا کہ اگر سر نہ ہلایا ہوتا تو موت یقینی تھی۔ 

ڈرامائی انداز میں اپنی موت سے چند روز قبل ہونے والی موت کا ذکر کرتے ہوئے ٹرمپ نے کہا کہ وہ ’صرف خدا کے فضل سے‘ بچ گئے۔

’میں نے ایک زوردار سرسراہٹ کی آواز سنی اور محسوس کیا کہ واقعی، میرے دائیں کان پر کچھ زور سے لگا۔ میں نے اپنے آپ سے کہا، 'اوہ، یہ کیا تھا؟ یہ صرف گولی ہو سکتی ہے۔‘

سابق صدر نے حملے کے بارے میں بات کرتے ہوئے کہا کہ ’میں آج رات یہاں نہ ہوتا۔‘

سابق صدر نے ریپبلکن نیشنل کنونشن سے خطاب میں وائٹ ہاؤس کی موجودہ خارجہ پالیسی پر تنقید کی۔

انہوں نے اپنے دورِ حکومت میں روس اور شمالی کوریا کے ساتھ تعلقات کا بھی ذکر کیا اور کورین لیڈر کم جون انگ کے بارے میں کہا کہ ’وہ مجھے یاد کرتے ہیں۔‘

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More