لاہور: عالمی ماہرین موسمیات نے 2080 تک پاکستان سمیت دنیا کے 4 ہزار سے زائد شہروں میں درجہ حرارت 6 ڈگری سینٹی گریڈ تک بڑھنے کا خدشہ ظاہر کر دیا۔
غیر ملکی خبر رساں ایجنسی کے مطابق امریکہ کی میری لینڈ یونیورسٹی کے ماہرین کے مطابق ماحولیاتی تبدیلی کے باعث 2080 تک دنیا کے 4 ہزار 581 شہر کا درجہ حرارت 5 سے 6 ڈگری سینٹی گریڈ تک بڑھ سکتا ہے۔
پیشگوئی کے مطابق پاکستان کے جو شہر سب سے زیادہ متاثر ہوں گے۔ ان میں لاہور، فیصل آباد، ملتان، راولپنڈی، اسلام آباد، کراچی، پشاور، کوئٹہ اور دیگر شامل ہیں۔
کراچی کے حوالے سے کہا گیا ہے کہ آئندہ 60 برسوں میں کراچی میں گرمی 3.3 ڈگری سیلسیس زیادہ اور موسم گرما 18.2 فیصد خشک رہنے کی توقع ہے جبکہ موسم سرما 5 ڈگری گرم اور 0.4 فیصد بارشوں کا امکان ہے۔
رپورٹ کے مطابق کراچی کا موسم ایسا ہوسکتا ہے جیسا کہ اس وقت سعودی عرب کے شہر الباحہ کا حال ہے۔
یہ بھی پڑھیں: 32 سو ارب کے ٹیکس کیس عدالتوں میں زیر التوا ہونے کا انکشاف
پیشگوئی کے مطابق اگر موسمیاتی تبدیلی کا باعث بننے والے عوامل کے اخراج کو کم کریں تو کراچی کے درجہ حرارت میں 1.1 ڈگری سیلسیس اضافے اور بارشوں میں 17.3 فیصد اضافے کی توقع ہے جبکہ سردیوں میں 1.7 ڈگری گرمی اور 2.9 فیصد بارشوں کی توقع ہے۔ اس صورت میں کراچی کا موسم ایسا ہوسکتا ہے جیسا کہ ان دنوں یمن کے شہر مکلہ کا ہے۔
ماہرین کا کہنا ہے کہ حکومت اگر ماحولیات پر قابو پانے کی کوشش کرے تو درجہ حرارت میں ایک سے 2 ڈگری سینٹی گریڈ تک کی کمی بھی آسکتی ہے۔