پشاور: خیبر پختونخوا کے شہر پشاور میں بس ریپڈ ٹرانزٹ (بی آر ٹی) کے کرایوں میں فی اسٹاپ 5 روپے کا اضافہ کر دیا گیا۔
انتظامیہ کی جانب سے جاری کردہ اعلامیہ کے مطابق بی آر ٹی کے کرایوں میں فی اسٹاپ 5 روپے کا اضافہ کر دیا گیا ہے۔ بی آر ٹی پر کم سے کم کرایہ 20 روپے اور زیادہ سے زیادہ 60 روپے مقرر کر دیا گیا۔
بی آر ٹی پر 5 کلومیٹر تک سفر کا کرایہ 15 سے بڑھا کر 20 روپے کر دیا گیا جبکہ 10 کلومیٹر کا کرایہ 25 روپے، 10 سے 15 کلومیٹر کا کرایہ 35 روپے کر دیا گیا۔
یہ بھی پڑھیں: نواز شریف کا اتحادیوں سے رابطے کا فیصلہ
اعلامیہ کے مطابق 15 سے 20 کلومیٹر تک کا کرایہ 40 روپے اور 20 سے 25 کلومیٹر کا کرایہ 45 روپے ہو گا۔ 25 سے 30 کلومیٹر سفر کا کرایہ 50 روپے اور 30 سے 35 کلومیٹر کا کرایہ 55 روپے ہو گا۔
35 سے 40 کلومیٹر سفر کا کرایہ 60 روپے کر دیا گیا ہے۔ 60 سال سے زائد عمر کے شہریوں کو کارڈ جاری کر کے 50 فیصد رعایت ملے گی۔ 5 سال سے کم عمر کے بچوں کو والدین کے ساتھ مفت سفر کرنے کی اجازت ہو گی۔