کوہاٹ: خیبر پختونخوا کے علاقے کوہاٹ میں کوئلے کی کان میں گیس بھرجانے سے دھماکہ ہوا۔ جس کے نتیجے میں 3 کان کن جاں بحق اور 4 زخمی ہو گئے۔
پولیس کے مطابق کوہاٹ کے علاقے درہ آدم خیل اخوروال میں کوئلے کی کان میں گیس بھرجانے سے دھماکہ ہوا۔ جس کے نتیجے میں کان بیٹھ گئی اور متعدد افراد ملبے تلے دب گئے۔
ملبے تلے دبے تمام افراد کو نکال لیا گیا تاہم 3 کان کن جاں بحق ہو گئے جن کی لاشیں ضروری کارروائی کے بعد لواحقین کے حوالے کر دی گئیں۔ جاں بحق ہونے والے تمام کان کنوں کا تعلق ضلع شانگلہ سے تھا۔
یہ بھی پڑھیں: ڈی آئی خان میں ہیلتھ سینٹرپر حملہ ،2 لیڈی ہیلتھ ورکرز ، 2 بچے ، ایک چوکیدار جاں بحق
کان کے ملبے تلے دب کر زخمی ہونے والے چاروں افراد کو اسپتال منتقل کر دیا گیا جہاں انہیں طبی امداد دی جا رہی ہے۔