نریندر مودی بھارت کی تاریخ میں 41 برس بعد آسٹریا کا دورہ کرنے والے دوسرے وزیراعظم بن گئے۔
بھارتی میڈیا کے مطابق نریندر مودی حال ہی میں آسٹریا کا 2 روزہ تاریخی دورہ مکمل کرکے وطن واپس لوٹے ہیں۔ اس سے قبل وزیر اعظم اندرا گاندھی نے 1983 میں آسٹریا کا دورہ کیا تھا۔
بھارتی وزیراعظم کے آسٹریا کے دورے کی ایک ویڈیو اس وقت سوشل میڈیا پر خوب وائرل ہے۔ ویڈیو میں بھارتی وزیر اعظم اپنے خطاب کا آغاز کرتے ہوئے کہتے ہیں کہ ’یہ میرا آسٹریلیا کا پہلا دورہ ہے‘۔
پاکستان میں ایس سی او اجلاس کا دعوت نامہ مودی کو موصول، شرکت نہیں کرینگے
مودی کے اس جملے پر موقع پر موجود لوگوں کی جانب سے فوراً ان کی تصیح کرتے ہوئے ’آسٹریا‘ کے نعرے بلند کیے جاتے ہیں۔ لوگوں کے شور مچانے پر نریندر مودی فوراً اپنی غلطی سدھارتے ہوئے کہتے ہیں کہ ’آسٹریا کا یہ میرا پہلا دورہ ہے‘۔
اس ویڈیو کو مدِ نظر رکھتے ہوئے سوشل میڈیا پر یہ بات زیرِ بحث ہے کہ کیا واقعی نریندر مودی آسٹریا ہی جانا چاہتے تھے یا پھر آسٹریلیا جانے کے بجائے آسٹریا جاپہنچے۔