کراچی پولیس نے محرم الحرم سے متعلق سیکیورٹی پلان جاری کردیا ہے۔
ترجمان کراچی پولیس کے مطابق محرم کے دوران پولیس کے 17 ہزار 947 افسران اور اہلکار سیکیورٹی پر تعینات کیے جائیں گے۔
ترجمان کے مطابق محرم کے دوران 1 ہزار 49 جلوس برآمد ہوں گے جبکہ 4 ہزار 664 مجالس ہوں گی، مجالس پر 4 ہزار 392 جبکہ جلوسوں پر 11 ہزار 628 اہلکار ڈیوٹی دیں گے۔
کراچی پولیس ترجمان کے مطابق انتہائی حساس مقامات پر 1 ہزار 927 افسران اور جوان سیکیورٹی ڈیوٹی کے فرائض سر انجام دیں گے۔
ترجمان کے مطابق محرم کی ڈیوٹی کےلیے ٹریفک پولیس کے 987 افسران اور جوان موجود رہیں گے۔