بھارتی شہر کولکتہ کے مئیر نے شہریوں کو اسلام قبول کرنے کا مشورہ دے دیا ہے، میئر کا بیان حکمران جماعت کو ایک آنکھ نہیں بھایا۔
کولکتہ شہر کے میئر فرہاد حکیم کی جانب سے آل انڈیا قرآن مقابلے کے دوران خطاب کرتے ہوئے کہنا تھا کہ غیر مسلم بدقسمت ہیں اور انہیں اپنا ایمان تازہ کرنے کے لیے اسلام قبول کرنا چاہیے۔
ڈالر سستا، دیگر کرنسیاں بھی سستی ہو گئیں
میئر کوکلتہ کے اس بیان پر بی جے پی کی جانب سے شدید مخالفت کی جا رہی ہے، جبکہ میئر کا کہنا تھا کہ ہمیں غیر مسلمانوں میں اسلام کو پھیلانا چاہیے، اگر ہم کسی کو اسلام کی طرف راغب کرتے ہیں تو ہم ایک سچے مسلمان ثابت ہو سکتے ہیں۔
بھارتی میڈیا کی جانب سے میئر کوکلتہ کو شدید تنقید کا نشانہ بنایا جا رہا ہے، جبکہ ان کا 2016کا بیان بھی چلایا جا رہا ہے، جس میں کولکتہ کے مسلمان اکثریتی علاقے کو منی پاکستان قرار دیا تھا،جبکہ بھارتیہ جنتا پارٹی کی جانب سے میئر فرہاد کو بنگال کی وزیر اعلی ممتا بینرجی کا قریبی ساتھی قرار دیا جا رہا ہے۔
وزیراعظم کا 200 یونٹ تک بجلی استعمال کرنے والوں کو 3 ماہ کی رعایت دینے کا اعلان
بی جے پی بنگال کے رہنما اگنی مترا پول کی جانب سے کہنا تھا کہ مئیر کے بیان نے ہندو مذہب کو توہین کی ہے، ساتھ ہی بھارت میں اتحاد اور بھائی چارگی کو بھی خطرے میں ڈالا ہے۔