افریقی ملک موریطانیہ کی سمندری حدود میں تارکین وطن کو لے جانے والی کشتی الٹ گئی جس کے نتیجے میں 89 افراد ہلاک ہو گئے ، کشتی میں 170 افرد سوار تھے۔
غیر ملکی میڈیا کے مطابق کشتی الٹنے کا واقعہ موریطانیہ کے جنوب مغربی شہر اینڈیاگو سے تقریباً چار کلومیٹر کے فاصلے پر پیش آیا۔ کوسٹ گارڈ نے پانچ سالہ بچی سمیت 9 افراد کو بچا لیا۔
افغانستان میں کشتی ڈوب گئی ، خواتین اور بچوں سمیت 20 افراد جاں بحق
اب تک 89 لاشیں نکالی جا چکی ہیں جبکہ 70 سے زائد افراد لاپتہ ہیں جن کے زندہ ملنے کے امکانات معدوم ہو گئے ہیں۔
زندہ بچ جانے والوں نے بتایا کہ حادثے کا شکار ہونے والی کشتی سینیگال اور گیمبیا کی سرحد سے روانہ ہوئی تھی جس میں 170 مسافر سوار تھے۔
لیبیا اور یورپ کے درمیان تین روز سے سمندر میں بے یار و مددگار کشتی ڈوب گئی، 60ہلاکتوں کا خدشہ
واضح رہے کہ افریقی اور غریب ممالک سے ہزاروں کی تعداد میں سالانہ تارکین وطن یورپ میں اچھے مستقبل اور بہتر روزگار کے لیے غیر قانونی طور پر یورپ آنے کے لیے خطرناک راستوں کا انتخاب کرتے ہیں اور ایسے واقعات میں بے موت مارے جاتے ہیں۔