پاکستان تحریک انصاف کے رہنما اسد قیصر نے جمیعت علماء اسلام کے سربراہ مولانا فضل الرحمن سے ملاقات کی جس میں ملک سیاسی صورتحال پر گفتگو ہوئی۔
دونوں رہنمائوں نے ملک بھر بالخصوص خیبر پختونخوا میں امن و امان کی صورتحال پر تشویش کا اظہار کرتے ہوئے کہا کہ صوبے میں امن قائم کرنے کے لیے سیاسی جماعتوں کو کردار کرنا ہو گا ، فوجی آپریشن کسی مسئلے کا حل نہیں۔
شیر افضل مروت کی سیاسی کمیٹی سے بیدخلی ، اسد قیصر اور شبلی فراز میں تلخ کلامی
دونوں رہنمائوں نے قومی اسمبلی میں مل کر بھرپور اپوزیشن کا کردار ادا کرنے پر اتفاق کیا اور بجٹ کو آئی ایم ایف بجٹ اور عوام دشمن بجٹ قرار دے کر مسترد کر دیا۔
ملاقات میں دونوں جماعتوں کے درمیان سیاسی کمیٹی قائم کرنے کا فیصلہ کیا گیا ، کمیٹی دونوں جماعتوں کے مابین تحفظات کو دور کرنے اور آئندہ کی سیاسی حکمت عملی کے لیے نکات کا تعین کرے گی۔
اڈیالہ جیل والے سے رابطہ نہیں ، پیشرفت ہو گی تو بتائیں گے ، مولانا فضل الرحمن
علاوہ ازیں ملاقات میں افغانستان کے ساتھ برادرانہ تعلقات کے قیام کے لیے اپنا کردار ادا کرنے پر اتفاق کیا گیا۔