اسلام آباد۔13جون (اے پی پی):وفاقی وزیر داخلہ و انسداد منشیات محسن نقوی نے ترکئی ٹول پلازہ پر منشیات فروشوں کی فائرنگ سے اے این ایف کے شہید اہلکاروں محمدگلزار ، مظہر اقبال اور شہری ذیشان کی نماز جنازہ میں شریک ہوئے ، شہداء کے اہل خانہ سے ملاقات کی ، انھیں دلاسہ دیا ، تعزیت اور دلی ہمدردی کا اظہار کیا۔ترجمان وزارت داخلہ کے مطابق وفاقی وزیرداخلہ محسن نقوی نے شہداء کے درجات کی بلندی کے لئے دعا کی اور شہداء کو خراج عقیدت پیش کیا۔وزیر داخلہ و انسداد منشیات محسن نقوی کی شہداء کے لواحقین کیلئے صبر جمیل کی دعا کی ۔وزیر داخلہ محسن نقوی کا کہنا تھا کہ شہادت کا اعلی مرتبہ پانے والے اہلکاروں کو سلام پیش کرتے ہیں۔اے این ایف کے اہلکاروں مظہر اور گلزار نے جان دے دی لیکن فرض پر آنچ نہیں آنے دی۔ جی او سی جہلم ، اے این ایف پنجاب کے ڈائریکٹرجنرل, کمشنر راولپنڈی ، ڈپٹی کمشنر جہلم ، ڈی پی او جہلم ، عسکری و سول افسران اور اے این ایف کے حکام کی نماز جنازہ میں شرکت کی ۔