سعودی عرب کے ولی عہد کی دعوت پر آنے والے 500 فلسطینی عازمین کا خیرمقدم

ریاض ۔13جون (اے پی پی):سعودی عرب کی وزارت اسلامی امور نے خادم حرمین شریفین کے پروگرام کے تحت حج کے لیے مکہ پہنچنے والے 500 فلسطینی عازمین کا خیرمقدم کیا ہے۔ ایس پی اے کے مطابق وزارت اسلامی امور اس سال دو ہزار فلسطینی عازمین کا خیرمقدم کرے گی جو شاہی مہمان ہوں گے۔

باقی ڈیڑھ ہزار فلسطینی عازمین جمعرات کو مملکت پہنچیں گے۔یاد رہے کہ دنیا بھر کے 88 ممالک کے 3 ہزار 322 عازمین شاہ سلمان بن عبدالعزیز کی خصوصی دعوت پر فریضہ حج ادا کریں گے۔وزارت اسلامی امور اس پروگرام پر عمل درآمد اور نگرانی کرتی ہے۔فلسطینی عازمین نے فلسطینی کاز میں دلچسپی اور فراخدلانہ مہمان نوازی پر سعودی حکومت کا شکریہ ادا کیا ہے۔

سعودی وزیر اسلامی امور ڈاکٹر عبداللطیف آل الشیخ کی ہدایت پر شاہی مہمانوں کی خدمت کے لیے قائم کمیٹیاں عازمین کی آمد کے طریقہ کار کو آسان بنانے، طعام و قیام، آمد و رفت کے علاوہ دیگر خدمات فراہم کر رہی ہیں۔