وفاقی بجٹ مجموعی طور پرملک کیلئے بہتر ہے،صدر ایوان صنعت حیدرآباد

حیدرآباد۔ 12 جون (اے پی پی):وفاقی حکومت کی جانب سے پیش کئے گئے بجٹ پر تبصرہ کرتے ہوئے ایوان صنعت و تجارت حیدرآباد کے صدر عدیل صدیقی نے کہا کہ وفاقی بجٹ مجموعی طور پر ملک کیلئے بہتر ہے، معاشی حالات گزشتہ مالی سال کی بہ نسبت بہتر ہیں۔

بجٹ پیش ہونے کے بعد اے پی پی سے گفتگو کرتے ہوئے انہوں نے کہا کہ گزشتہ سال پاکستان کے پاس ایک ارب ڈالر کے زرمبادلہ کے ذخائر تھے اور اب صورتحال بہتر ہے جس کی وجہ سے ملک کے معاشی حالات بہتر اور صحیح سمت میں جا رہے ہیں۔ انہوں نے کہا کہ ٹیکس ادا نہ کرنے والوں کے لیے ٹیکس کا نظام نافذ کرنا بہتر ہے۔ انہوں نے تجویز دی کہ فائلرز پہ ٹیکس کا زیادہ وزن نہ ڈالا جائے۔