لیلونگوے: افریقی ملک ملاوی کے نائب صدر ساؤلوس کلاؤس سمیت دیگر 9 افراد طیارہ حادثے میں ہلاک ہو گئے۔
غیر ملکی خبر رساں ایجنسی کے مطابق سابق خاتون اول شانیل زیمبری بھی بدقسمت طیارے میں سوار تھیں۔
واضح رہے کہ ملاوی کے نائب صدر کا طیارہ گزشتہ روز ممکنہ طور پر چکنگوا کے جنگل میں گر کر تباہ ہوا تھا۔ گھنا جنگل اور دھند سرچ اور ریسکیو آپریشن میں رکاوٹ بن رہی ہے۔
یہ بھی پڑھیں: ہنٹربائیڈن نشے کی حالت میں اسلحہ خریدنے کا مجرم قرار
نائب صدر کو لےجانے والا ایئر فورس کا طیارہ گذشتہ روز اڑان کے کچھ دیر بعد ریڈار سے غائب ہوگیا تھا۔ نائب صدر کا طیارہ دارالحکومت لیلونگوے سے دوسرے شہر موزوزو جا رہا تھا۔