اسلام آباد۔11جون (اے پی پی):سی ڈی اے پارک ڈائریکٹوریٹ کے سینکڑوں ملازمین کو اگلے سکیل میں ترقی دے دی گئی۔منگل کو سی ڈی اے مزدور یونین کی جانب سے جاری بیان کے مطابق اسی سلسلے میں سی بی اے کمیٹی پارکس ڈائریکٹوریٹ کے زیر اہتمام ایف نائن پارک میں استقبالیہ تقریب کا اہتمام کیا گیا جس میں سی ڈی اے مزدور یونین کے جنرل سیکرٹری چوہدری محمد یٰسین،صدراورنگزیب خان،راجہ شاکر زمان کیانی،صوفی محمودعلی،حاجی صابرحسین،حاجی مشتاق احمد شاہد،علی اصغرمانی بٹ،چوہدری زاہد احمد،اسدمحمود،محمد سرفرازملک،صفدرعباسی،ملک محمد عمران،کلیم عباسی،ملک خلیل،چوہدری سفیر،راجہ عدنان شفیق،چوہدری صغیر،قاری شیر عالم سیالوی،فرازستی،فیاض عباسی،ملک ریاض،حافظ وسیم،چوہدری نیازنقشبندی،نمبردارلیاقت،علی بہادر،ملک ادریس سمیت سینکڑوں ملازمین نے شرکت کی۔اس موقع پر ترقی پانے والے ملازمین نے مزدور یونین کے قائدین کا شکریہ اداکرتے ہوئے کہا کہ بلاشبہ سی ڈی اے مزدور یونین ہی ملازمین کی نمائندہ تنظیم ہے جوملازمین کی بلاتفریق خدمت کررہی ہے اورہم امید کرتے ہیں کہ پہلے سے بڑھ کر تمام ملازمین کے مسائل کو ترجیح بنیادوں پر حل کروائیں گے۔تقریب سے خطاب کرتے ہوئے سی ڈی اے مزدور یونین کے جنرل سیکرٹری چوہدری محمد یٰسین نے کہا کہ ہم نے ریفرنڈم میں جو وعدے کئے تھے آج الحمد للہ اسکی تکمیل کررہے ہیں اورہم 6 ہزارسے زائد فیلڈسٹاف کی پروموشن کرواچکے ہیں جس کی مثال ماضی میں نہیں ملتی،مزدور یونین نے ادارے کے مالی،بیلدار،والومین و دیگر فیلڈسٹاف جو اسی سکیل میں ریٹائرڈ ہو جاتا تھا اس کی پروموشن کے لئے تعلیم کی شرط کا خاتمہ کرایا جس سے ادارے کے سینکڑوں ملازمین مستفید ہوں گے اور وہ اگلے سکیل میں ترقی حاصل کر سکیں گے۔چوہدری محمد یٰسین نے کہا کہ ان مشکل ترین حالات میں ملازمین کو 20فی صد مہنگائی الاؤنس دلوایا اور تمام الاؤنسزمیں 50سے 100فی صد اضافہ کروایا اور انشاء اللہ باقی ماندہ تمام مسائل کو ترجیح بنیادوں پر حل کریں گے۔انہوں نے کہا کہ ہم نے انتظامیہ کو ملازمین کے مسائل کے حوالے سے چارٹر آف ڈیمانڈ پیش کیا ہوا ہے اس لئے عیدالاضحیٰ کے فوراً بعد مشاورتی اجلاس بلاکرآئندہ کی حکمت عملی طے کی جائے گی اور مزدوروں کے مسائل کے حل کے لئے ہرفورم پر آوازاٹھائی جائے گی۔اس موقع پر ملک رفیق خٹک،ملک خلیق خٹک اور گل خاندان کی سربراہی میں اٹک اتحاد گروپ کے نعمت خان،سعیداختر،تصوراقبال،ظہیرعباس،لیاقت علی،ہمایوں عباس،امیرخان،طارق علی،نجیب خان،آصف علی،سہیل نذیر اور انکے دیگرساتھیوں نے امان اللہ گروپ اور پاشاگروپ کو چھوڑ کر سی ڈی اے مزدور یونین (چوہدری محمد یٰسین گروپ) میں شمولیت کا اعلان کیا۔