روس کا ایس یو۔34 بمبار طیارہ گر کر تباہ ہو گیا،دونوں پائلٹ ہلاک

ماسکو۔11جون (اے پی پی):روس کا سپر سونک بمبار طیارہ ایس یو۔ 34 معمول کے تربیتی مشن کے دوران ملک کے پہاڑی علاقے نارتھ اوسیتیا۔الانیہ میں گر کر تباہ ہو گیا ۔حادثے میں دونوں پائلٹ ہلاک ہو گئے ۔ رشیا ٹوڈے نے روسی وزارت دفاع کے حوالے سے بتایا کہ یہ حادثہ منگل کی صبح کو پیش آیا اور ابتدائی تحقیقات سے معلوم ہوتا ہے کہ طیارہ تکنیکی خرابی کے باعث حادثے کا شکار ہوا۔ یہ طیارہ انتہائی درستگی والے بموں اور میزائلوں سے زمینی اہداف کو نشانہ بنانے کی صلاحیت رکھتا ہے۔