ایران میں 28 جون کو ہونے والے صدارتی انتخابات کے لیے ایرانی شوریٰ نگہبان نے 6 امیدواروں کو اہل قرار دے دیا تاہم سابق صدر احمدی نژاد کو اجازت نہیں دی۔
ایرانی میڈیا کے مطابق صدارتی امیدواروں میں محمد باقر، سعید جلیلی، علی رضا زکانی، مسعود پزشکیان، امیر حسین قاضی زادہ اور مصطفیٰ پور محمدی شامل ہیں۔ اہل امیدوار اب صدارتی مہم کا آغاز کریں گے۔
ایران صدارتی انتخابات ، احمدی نژاد ، پاسداران انقلاب کے کمانڈر واحد باغنین سمیت 17 امیدواروں کی رجسٹریشن
سابق ایرانی صدر احمدی نژاد کو انتخاب لڑنے کی اجازت نہیں ملی ، اس سے قبل 2021 کے صدارتی الیکشن میں بھی حصہ لینے کی اجازت نہیں ملی تھی۔
خیال رہے کہ ایران میں صدارتی انتخابات 2025 میں ہونے تھے تاہم ایرانی صدر ابراہیم رئیسی کے ہیلی کاپٹر حادثے میں انتقال کے بعد صدارتی انتخابات قبل ازوقت منعقد ہو رہے ہیں۔