اپنے کامیاب دورہ چین پر انتہائی پرتپاک میزبانی پر حکومت چین اور عوام کا دلی مشکور ہوں،وزیر اعظم شہبازشریف

شی ۔جان ۔8جون (اے پی پی):وزیر اعظم شہبازشریف نے کہا ہے کہ وہ اپنے کامیاب دورہ چین پر انتہائی پرتپاک میزبانی پر حکومت چین اور عوام کے دلی مشکور ہیں ۔

ہفتہ کو ایکس پر جاری ٹویٹ میں وزیراعظم نے کہاکہ صدر شی جن پنگ کی ولولہ انگیز قیادت میں چین نئی بلندیوں کو چھو رہاہے ، پاکستان کی ترقی اور خوشحالی کے لیے ہم اس سے سبق حاصل کر سکتے ہیں۔ انہوں نے کہاکہ پاکستان اور چین کے آئرن برادرز ہونے پر فخر ہے ۔