نائیجیریا ، مسلح گروہ کے حملوں میں 42 افراد ہلاک ، متعدد زخمی

ابو جا۔8جون (اے پی پی):نائیجیریا کی ریاست زامفارا اور کاتسینا میں مسلح حملوں میں 42 افراد ہلاک ہو گئے۔ٹی آر ٹی کے مطابق زمفارا سٹیٹ پولیس کمشنر محمد شیہو دالیجان نے بتایا کہ تقریبا300 موٹر سائیکل سواروں نے ریاست زامفارا کے مگاریا گاؤں میں فائرنگ کی، جس سے 7 پولیس افسران سمیت 12 افراد ہلاک ہوگئے۔

مسلح گروہ نے ریاست کاتسینا کے دوتسنما اور صفانہ گاؤں پر بھی حملہ کیا، جس میں 30 افراد ہلاک اور متعدد افراد زخمی ہوگئے، جن میں سے متعدد کی حالت تشویشناک ہے۔