روسی عازمین حج کا پہلا قافلہ سعودی عرب پہنچ گیا

ریاض ۔7جون (اے پی پی):روس سے تعلق رکھنے والے عازمین کا پہلا گروپ مکہ مکرمہ پہنچ گیا جن کی تعداد 200 ہے۔عاجل ویب سائٹ کے مطابق مطوفی کمپنی (اشرقت) کے ذمہ دار کا کہنا تھا کہ روس سے پہنچنے والے 200 عازمین کے پہلے گروپ کا استقبال کیا۔

پہلے گروپ کے ساتھ ہی روسی عازمین حج کی مملکت آمد کا سلسلہ باقاعدہ شروع ہو گیا۔مطوفی کمپنی کے بورڈ آف ڈائریکٹرز کے چیئرمین محمد ماجنی نے وضاحت کی کہ اس سال روسی عازمین کی تعداد 25 ہزار تک پہنچ جائے گی۔