لوک سبھا انتخابات میں ترینمول کانگریس کے ٹکٹ سے الیکشن لڑنے والے سابق بھارتی کرکٹر یوسف پٹھان نے مغربی بنگال کے حلقہ بہارم پور سے بڑی کامیابی حاصل کرلی۔
بھارتی میڈیا کے مطابق طویل مدتی لوک سبھا انتخابات کے نتائج آنے کا سلسلہ جاری ہے۔ اب تک کے نتائج کے مطابق انتخابات میں بھارتی جنتا پارٹی (بی جے پی) ایک دہائی بعد اکثریت سے محروم رہی ہے جبکہ حکمران اتحاد سادہ اکثریت حاصل کرنے میں کامیاب رہا ہے۔
نریندر مودی کی بی جے پی کو رواں انتخابات میں انڈین نیشنل کانگریس نے بڑا جھٹکا دیا ہے۔ انڈین نیشنل کانگریس اور اس کے اتحادی بڑی تعداد میں نشستیں جیتنے میں کامیاب ہوئے ہیں۔
نریندر مودی کا ’’اب کی بار 400پار ‘‘ کا نعرہ بری طرح ناکام
لوک سبھا انتخابات میں ترینمول کانگریس کے امیدوار اور یوسف پٹھان بھی کامیاب قرار پائے ہیں۔ الیکشن کمیشن کے مطابق یوسف پٹھان نے کانگریس امیدوار کے 3 لاکھ 59 ہزار 367 کے مقابلے میں 4 لاکھ 23 ہزار 451 ووٹ حاصل کیے۔
میڈیا سے گفتگو کرتے ہوئے یوسف پٹھان کا کہنا تھا کہ میں ان سب کو مبارکباد دیتا ہوں جو میرے ساتھ رہے، یہ صرف میری جیت نہیں بلکہ تمام ورکرز کی جیت ہے۔ اپنی جیت پر انتہائی خوش ہوں۔
یوس پٹھان کا مزید کہنا تھا کہا ریکارڈ بنتے ہی ٹوٹنے کے لیے ہیں، میں ادھیر رنجن کی عزت کرتا ہوں اور کرتا رہوں گا۔